Gasselters aan het woord
Wat weet je eigenlijk van je dorpsgenoten? In de videoreeks “Van wel bi’j der iene? Gasselters aan het woord.” interviewen we bekende en minder bekende Gasselters. Hoe komen ze in Gasselte terecht, wat doen ze in hun dagelijks leven en waarom wonen ze hier zo graag?
In oflevering 11 maok we kennis met Niké Wieringh-Paternotte. Allewal… Kennis maoken… De mieste dörpsgenoten kent Niké vast wal al. Zie döt naomelijk alderbarstend veul in en veur Gasselt en hef hiel wat vrijwilligerswark op heur naom staon. Maor wel is nou die vrouw achter al die vrijwilligersklussen?
We mochten op de koffie bij Geertje Hadderingh, één van de oudste inwoners van Gasselte. Geertje zit vol met verhalen dus we spraken haar in haar woonkamer over het Gasselte van vroeger en van nu. Er zat gelukkig genoeg koffie in de pot en aan plezier ontbreekt het niet bij Geertje.
Oldjaorsdag hew ies even bij de feesttent an de Julianalaon keken. Daor kwam een beste bult lawaai vort: het Carbidteam Gasselte stun weer de hiele dag carbid te knappen met de installaotsies die ze zölf maokt hebt. Jan stelt alle leden van het Carbidteam aj je veur en je kriegt oetleg over de organisaotsie van dit prachtige gebeuren en de techniek achter het carbidschieten.
In oktober heb wij een bezuuk bracht an Peer Wagenaar in zien restaurant Jachtlust in Stienbargen. En umdaw der toch ienmaol waren, hew oes daor an taofel nusseld en aldernaorst lekker eten. Daornao biw vanzölf met Peer in gesprek gaon. Hoe komt een Gasselter jong an een eetgelegenheid in Stienbargen?
Deur verscheiden bulten op oes pad biw wat an de late kaant met het vrijgeven van het beeldpetret van Peer. Maor nou is e der en let op, want Peer is ok te zien in de volgende oflevering van Van wel bi’j der iene. Waor die over giet? Aander week (midden jannewaori 2024) kuj die bekieken!
Lichtkans waj der bij toen Het Sneeuwbal Trio op de planken stun op het tentfeest in Gasselt in juni 2023. De zanger en de gitarist van de band, Koos Hindriks, kun – landelijk bekeken – wal ies de beroemdste inwoner van oes dörp weden. Jan hef een beste zet met Koos zitten praoten. Over zien leven, zien muzikaole carrière, zien hobby’s en nog veul meer.
Van 14 tot en met 17 juni 2023 wordt de parkeerplaots naost dörpshoes De Trefkoel umbatterijd tot een echt openluchttheater: Fanfare op de Hondsrug. Jan preut an de veuraovend van dit spektakel met bedenker Roelof Hadderingh en schriever & regisseur Bert Rossing. Hoe is het idee ontstaon? Waor komt het verhaol vort? Wat kriew allemaol te zien? Bint er nog kaorten te koop? Op al je vraogen kriej antwoord aj kiekt en lustert naor dizze neie oflevering van Van wel bi’j der iene; Gasselters an ’t woord.
Kört nao de kerst van 2022 waren wij in de gymzaal van dörpshoes De Trefkoel veur de opnames van een interview met de wichter van Twirlstars Gasselte. Zaoterdag 21 jannewaori 2023 doet er nogal wat Gasselter Twirlstars met an het Nederlands Kampioenschap Twirling in Almere. Dat is niet niks en absoluut een prestaotsie die de neudige andacht verdient. Jan vreug zuch of wat twirling nou precies is en wat dizze wichter daor nou zo mooi an vindt. En as slagroom op het gebak… gaven ze ok nog een fantastische demonstraotsie!
In de zummer van 2021 heb wij een eerste oflevering maakt van Van wel bi’j der iene; Gasselters an ‘t woord. Feitelijk gung het um een proef, een eerste probeersel. Maor ok dizze eerste proefoflevering bij Claudia en Carlo Hadderingh op Landschapscaming De Sparrenhof wil wij je niet ontholden. Körtleden kregen ze van de ANWB nog het predikaat Vijf Sterren Topcamping. Dat allén al is anleiding genog um ies met Claudia en Carlo met te kieken op heur camping.
De zummervekaansie van 2022 is in volle gang en Jannie Hadderingh-Everts is al een paor week an ’t genieten van heur welverdiende pensioen. Wij preuten kört veur de vekaansie met Jannie, in heur leste weken as juf van OBS De Dobbe in oes dörp. Wij mugt zölfs even metkieken in groep 3 waor Jannie les an gaf.
In de daarde oflevering van Van wel bi’j der iene; Gasselters an ’t woord biw vlak veur de gemienteraodsverkiezings van 2022 op bezuuk in de warkkaomer van Henk Heijerman. Wij praot under andern met hum over wat e allemaol doen giet nou e stopt as wetholder in de gemiente Aa en Hunze.
Met het carnavalsweekèende veur de deur maok wij in de tweide oflevering van Van wel bi’j der iene; Gasselter an ’t woord kennis met Prins Hadders en Adjudant Keizer. Jan vrag ze het hemd van het lief, of lichtkans kuw beter zeggen: de steek van de kop. Wel bint dizze Hoogheden, hoe bint ze in Gasselt te laande kommen en wat vindt ze nou zo mooi an carnaval? Ontdek het in dizze tweide oflevering!
In de eerste oflevering van Van wel bi’j der iene; Gasselters an ’t woord gaow op bezuuk bij Paul Timmer en Marlous Hoogeveen van Echte Bakker Timmer. Wij gaot kieken in de bakkerij en leert het echte leven kennen van al weer de veerde generaotsie Bakker Timmer. Hoe zöt je leven der oet aj een bakkerij met drei winkels hebt?